Gurbat, Bhook, Aflaas aur is jaisay aur bohat say alfaaz is tasveer ko dekh ker mery zehan mai ghoomny lagtay hain....
is naye door mai jab duniya chand per pohanch chuki hai, kiniya ki aurat k pehny k liye dhang k kapray bhi nahi hai, in k chehro ko dekh keer aik tasur yeh ata hai k in ko hamesha isi baat ki fiker rehti hogi k aglay waqt kiya khayengy?
sokhay huye sehra jaisay in k sokhay jismoon ko kiya kabhi achay kapray aur achi khoraak bhi mayesar hogi?
Lekin is k bawajood in k chehron per aik umeed ki kiran bhi nazar arahi hai aur yeh auratain libaas aur khorak ki kami k bawahjood apni gharelo aur bahir ki zemedariyan bakhobi nibhati hain.
in k cheron say in ki pereshaniyon ka andaza lagaya jasakta hai lekin in ka bunyadi masla kiya hai is ka andaza lagana mushkil hai....kiyon in ko dekh ker yun mehsoos hota hai k yeh duniya k bhaag door mai bohat peechy reh gaie hain....aik taraf to zehan mai The Top 10 Angela Merkel, Sheila C. Bair, Indra K. Nooyi, Angela Braly, Cynthia Carroll, Irene B. Rosenfeld, Condoleezza Rice, Ho Ching,Anne Lauvergeon, Anne Mulcahy k naam atay hain jabky dosri taraf is tasveer ko dekh ker aurat k bebass aur lachaar honay ka ehsaas hota hai. pori duniya mai auratain her field mai mardon k shana bashana kaam ker rahi hain...lekin Keniya ki aurat itny peechy kiyon? kiya kisi k pass is baat ka jawab mojood hai?
No comments:
Post a Comment